بقلم الشاعر محمد طه

بعد السلام علي نبينا
وعلي الرسل الكرام
اغلي سلام
قالو لمين
بعد نبينا والرسل أجمعين
قولت اللي هي ف العين
قالو مين.. مصممين
من عنيا ياسامعين
هي اللي في القلب
وهي اللي في العين
وكان قبل منها زمااااان
غاب عني الحنان
والسؤال عني وشويا الامان
ونهاري زاي ليلي وليلي انا سهران
لا كان ليا حبيب ولا كان
قريب يسأل ولا صاحب كمان
 حبيت الوحدة والنسيان
وف ساعة والعصرية وف مكان
قاعد انا كدا سرحان
لقيت نور وهل عليا
يااااادوب لمحته انا بعنيا
بصيت لقتها هي
قولت يارب
سمعت صوت قال ان شاء الله هي
فرحت والفرحة المتني
غصب عني غريبه عليا
يوم اتنين
اتمنتها قبل ماعرف انا مين هي
قالو مجنون
قولت بس فين سكتها
دلوني على بيتها
سألت عليها
وعرفت قصتها
صورة تبق الاصل ولقيتها
ابتسمت وعنيها في الارض حنتها
قولت هي
قالت استنا شويا
انا لو عليا
دخلت قلبي من يوم ماشفتك عنيا
ومن يوها وهي
شيلاني ف عنيها
وانا ف عنيا شيلها
خلتني احب الدنيا وعاشقها
وشفت فيها ميت لون وحلوتها
بعد الاسود وماررتها
بس ادعولي يكون يومي
قبل طلعتها
قالو مين اللي تستاهل
تقول كل ده علي شأنها
ان قولت روحي يمكن اظلمها
عمري ونور عيني شويا
قالو مين هي
قولت دي للفؤاد مداويا
نظرتها كلها حنيا
لمست اديها دواء ليا
هي حبيبت القلب لا
هي القلب وكمان نور عنيا....

قالو مين هي......
بقلمي محمدطه الشاعر ابن اسيوط