مطبلاتي
........
بقلم / نصر فؤاد
.................
مطبلاتي
مصقفاتي
مزغرتاتي
مرقصاتي ودي أول الموال
**********************
صوابعي تطبل
وكفي يهَبِل
لساني يهلِل
ووسطي يِشَهِل من غير كلام يتقال
**********************
الصحة عافية
والمية دافية
والنية صافية
والرجل حافية وبقيت أقول أمثال
**********************
طال انتظاري
واقول يا ناري
غلبي ومراري
علي جرالي من طبلة الطبال
**********************
صبرت على حالي
والصبر يحلا لي
وعشت في حلالي
وقمري بيلالي سهران ليالي طوال
**********************
في كل ليلة
همومي شيلة
أحلامي نيلة
تدق راسي دقة ع السندال
**********************
الغلب جابنا
كتب كتابنا
على جوابنا
نقش كلامنا يحكيها للأجيال
**********************
أنا من ترابك
وقريت كتابك
قفلتي بابك
وطالقة كلابك تنهش في كل غزال
**********************
بانسج تيابك
وارسم شبابك
واعلف ركابك
أما اللي سابك، ده شبل م الأشبال
**********************
هاقولك نصيحة
سهلة مريحة
صعبة صريحة
لكن قبيحة، زي ماغنى يومها وقال
**********************
إوعي في يوم
تكون فيه غيوم
وترمي الهدوم
تعري كتفك وتنسي ظهرك لكل الخصوم
**********************
وخلي بالِك
وسكي بابِك
على شبابِك
ينصلِح حالك وتبقي ست الكون
**********************
بقلم / نصر فؤاد نصر
ليست هناك تعليقات:
إرسال تعليق